Rays Lmehdi Mbark

[ablinka]

way ajeddig way ajeddig

way ajeddig lwurD ixasak lHud
a gis itbenghalt a trZemt i wamud
bismillah uraHman ad aremgh cerj
armgh kunt a tarigt is a sul nettlàab
laHbab nagh amZat ukan lmufid
nDalb i laHbab inu ay agh ur gin làib
ula r agh tlamam Rebbi yumeR ghikad
laH man skar iblagh Rebbi s imurig
laHbab nagh amZ at ukan lmufid
yan dar llan lflus igit abukaD
negh irza negh ikucem awal nes iga luz
iqqan d inna gh isawl a gis illin atig
wacku lmal nes ad as igan làaz
iga sen lHifad a ten ur itentaà uDaD
taghawsa nna hli ira terxu telkem tid
meqqar fllas illa ljen lmal iga DiD
lins ula win ljnun ula win leHdid
wacku Zrigh a flan lbab n leHdid
llan flassn laqful igan win leHdid
illin tisura n leHdid aàssas ibbid
usin tisura gin tent amas ljyab
asin .......... alf ryal rZemn lbab
kcem d s uguns wurti kisen d ajeddig
litcin ula win lwurD d win lghunbaz
fkin timitar i uàssas ar itàajjab
ghad ijra isHa ad ur tinnim iga lkdub
yan dar llan lflus igh a ur itemnid
walli ten ixlqen kra ira gh uzemz a yujad
menck lHram ay iHelb kra gh làibad
ghar yufa ttisaà ghika wala ghikad
izayd ar iHelb ar kigh ibaqqi uHlig
ifel d ghaylli dars ur iqqen yan lbab
awin ghar semà ixcen lyàadu billah
yan yad iHelbn kra, maghat iwrrid
a k in ur itawi s wassif ar itujad
igh d izri wanna d yufa is a ra t ikerD
a kun ussugh a yan sul iran a iHelb
imik ad n cbaàt ar d itawi xayr llah
yan mu iggut uHlig nes ar ittàaddab
kull ma yufa isert iHermiyt negh izuz
ur at igwraz ar kigh issum amHaD
ar itàajjab i jjert nes iluHas DiD
kada n yan icca tasmi temri gh umggerd
aDbib ur issugir yat wala lHruz
kada n yan icca tasmi temri gh umggerd
ur as issuger amya wala lHruz
wanna icuwern iqenàu walu ma iksud
Rebbi ixelq dunnit xelqn gisen làibad
ixelq gis làadad lli f ur iàelm isemg
kuyan f rZk nes ityara illa yujad
gh luH lmaHfud, isemg ur a itemnid
inna kra catergh, lxdemt as ufagh ghwid
lli ur iTafn yat kullu gan imZlaD
walayni ddunit ur d ittebDi s lkuraj
lHaq as a tid ibDa Rebbi f làibad
kuyan d inna ikfa sis iàic iHemd
illa kra ikfayas ghika wala ghikad
illa ikfayas gh lxir aylligh icib
illa ikfayas ghayli isTern làaruD
illa kra mskin ur gis lsin aqccab
yan agh isellan inni y at SsubHan lwaHid
igh ikfa i ghwad ikks i ghwad negh i wad
izayd làumur, ikra ikka xayr llah
walayni waxxa àicen lqern negh awk kraD
qqand a tit tawi lmut tga yagh lferD
ghan as yufi yan iHkem lxir a t ikerz
afulki a bbeda gis nelhu ula zal d yiD
wacku zaman ur gis nfuki lkdub
wacku dunnit a tga kullu ghar lHerb
iqqand i wanna gisen illan a nit ibbid
ibix abbegas nes iàawul f ljihad
wacku zaman ur t gis nfuki lkdub
ula kra n Hil acku as t fuRen wayad
kraygat ass illuln ar skarn ccuhud
f tarwa n addama, kran netta ar ittelàab
ur issen lmuluk is t Hadan azal d yid
kullu ma t skert ityara illa yujad
sul yili tarix walu magh nskedub
is ukan nigh iàdel yan igh ittenbah
wanna tZram tghafeln f ugharas a laHbab
waynni saàt a, yan mmu tgwat aqccab
at ils ay isfu gh irkan ig ak awk làib
gh inna gh yufa ma s kwn ikwli yawi tid
wacku lmasaHa tHRRa zud aferZiz
wanna t ur irin labudda yak ig DiD
lmal da iHda yan gh lfiDa d ddahab
igh as n ur ikkis laàcur ra sers iHerg
gh tuZZumt n temzgida agh sellagh i wawal ad
ass n ljumuàa a sersn itxtab lfqih
gh iggi lmnberha a tin kuyan ar isfllid
cerà n Rebbi wanna ten iran inna ghikad
wanna ten ur irin ur fllas negi bziz

[Lahcen]

Merci ablinka pour takssit ad

je connais pas ce rais mais avec ces paroles il laisse une trace

une traduction serai la bienvenue pour les novice comme moi :-D

[ablinka]

Lahcen a écrit :


Merci ablinka pour takssit ad

je connais pas ce rais mais avec ces paroles il laisse une trace

une traduction serai la bienvenue pour les novice comme moi :-D

C'est un plaisir de faire partager cette chanson du grand Rrays qu'est lmehdi ben mbark.
Pour ce que tu me demandes, je ne me crois pas capable de pouvoir realiser cette exercice de traduction.On peut par contre s'echanger des traductions de certains mots incompries :-)

"iga sen lHifad a ten ur itentaà uDaD"

"tentaà uDaD" signifie montrer du doigt
Une expression dit à peu pres cela " Wanna itentaàn s uDaD ur iZri sin" (si qq peut corriger en donnant la forme exacte)

Effectivement, quand on montre du doigt, on a toujours deux de ses propres doigts pointé sur soi-même

[ttislatin]

Lmhdi ben Mbark a une autre chanson que j'aime bien, elle commence par :
a manik rad skrx a y-amarg-i
a manik rad skrx ad diwn bDu7
Une petite traduction :
Comment je peux faire pour me séparer de la poésie !
Comment je peux faire pour me séparer de la chanson !
...........................
ttislatin
:-) :-) :-)